Home Edukim Siri, nga sulmet ajrore ruse humbin jetën 8 civilë në Idlib

Siri, nga sulmet ajrore ruse humbin jetën 8 civilë në Idlib

29 views
0
SHARE

Të paktën 8 civilë, duke përfshirë edhe 5 fëmijë, kanë humbur jetën në sulmet ajrore ruse në provincën veriperëndimore të Sirisë, Idlib, ku janë të ndaluara aktet e dhunës, njoftoi Mbrojtja Civile (Helmetat e Bardha), transmeton Anadolu Agency (AA).

Monitoruesit e avionëve luftarakë të opozitës siriane thanë se avionët rusë kanë goditur qytetin Saraqib dhe qytezat Maar Shoreen, Babeela dhe Jawbas.

Nga Helmetat e Bardha thonë se nga sulmet në Jawbas, 8 persona kanë humbur jetën, duke përfshirë edhe 5 civilë.

Mbi 1.300 civilë janë vrarë në zonën e deeskalimit në Idlib përkundër marrëveshjes së arritur midis Ankarasë dhe Moskës në shtator të vitit 2018.

Mbi 1 milion sirianë kanë lëvizur afër kufirit turk pas sulmeve intensive.

Që nga shpërthimi i luftës së përgjakshme civile në Siri në vitin 2011, Turqia ka strehuar mbi 3,6 milionë sirianë, duke u bërë shteti që ka pranuar numrin më të madh të refugjatëve në botë.

Sipas të dhënave zyrtare, Ankaraja deri më tani ka shpenzuar 40 miliardë dollarë për refugjatët.

Siri, nga sulmet ajrore ruse humbin jetën 8 civilë në Idlib

LEAVE A REPLY

Please enter your comment!
Please enter your name here