Home Edukim Siri, 17 civilë të vdekur nga një sulm i regjimit në Idlib

Siri, 17 civilë të vdekur nga një sulm i regjimit në Idlib

9 views
0
SHARE

Të paktën 17 civilë humbën jetën nga sulmet ajrore të regjimit të Bashar al-Asadit në Idlib të Sirisë, transmeton Anadolu Agency (AA).

Avionët luftarakë të regjimit kanë shënjestruar qendrën e qytetit të Idlibit, rrethet Maarrat al-Numan dhe Saraqib dhe 11 fshatra në orët e mëngjesit, tha agjencia e mbrojtjes civile, e njohur si Helmetat e Bardha.

Të paktën shtatë njerëz u vranë në qendër të qytetit, gjashtë në fshatin Binnish, katër në fshatin Al-Nerab, duke përfshirë dy fëmijë, ndërsa 50 të tjerë u plagosën.

Pas sulmeve ajrore, ekipet e mbrojtjes civile filluan aktivitetet e kërkimit dhe shpëtimit.

Turqia njoftoi të premten se një armëpushim i ri në Idlib është vendosur të fillojë menjëherë pas mesnatës së 12 janarit.

Ndryshe, gjatë takimit të Turqisë, Rusisë dhe Iranit në maj të vitit 2017 në Astana të Kazakistanit, Idlibi u shpall zonë e deeskalimit, ku aktet e agresionit do të ndaloheshin.

Turqia dhe Rusia arritën një marrëveshje shtesë në shtator të vitit të kaluar në Soçi si pasojë e shkeljes së armëpushimit nga ana e regjimit sirian.

Megjithatë, forcat e regjimit me ndihmën e mbështetësve i kanë vazhduar sulmet e tyre pavarësisht marrëveshjes. Që nga ajo datë, mbi 1.600 civilë kanë humbur jetën si pasojë e sulmeve.

Nga nëntori i vitit të kaluar, regjimi i Asadit intensifikoi sulmet në Idlib, duke shkaktuar që vetëm nga ky muaj, afër 380 mijë civilë të shpërngulen drejt kufirit të Turqisë.

http://mesazhi.com/siri-17-civile-te-vdekur-nga-nje-sulm-i-regjimit-ne-idlib/

LEAVE A REPLY

Please enter your comment!
Please enter your name here