Home Edukim SHBA, numri i të pastrehëve rritet me 2,7 për qind në vitin...

SHBA, numri i të pastrehëve rritet me 2,7 për qind në vitin 2019

20 views
0
SHARE

Numri i njerëzve që jetojnë në rrugë në SHBA u rrit për 2,7 për qind në vitin 2019, tha Departamenti i Strehimit dhe Zhvillimit Urban (HUD), transmeton Anadolu Agency (AA).

Në total, 567.715 janë regjistruar si të pastrehë përnjëherë, me një rritje prej 14.885 nga viti 2018.

“Të pastrehët në mesin e veteranëve dhe familjeve me fëmijë vazhdoi të bjerë, duke rënë 2.1 përqind, përkatësisht 4.8 përqind, në vitin 2019”, tha departamenti në një deklaratë.

Rritje të konsiderueshme të të pastrehëve dhe të pastrehëve kronikë në perëndim, veçanërisht në Kaliforni dhe Oregon, kanë shkaktuar rritjen e përgjithshme të të pastrehëve.

Njëzet e nëntë shtete dhe Washington D.C pësuan rënie të të pastrehëve midis viteve 2018 dhe 2019. Numri i personave që mbetën të pastrehë është rritur në 21 shtete.

“Numri i të pastrehëve u rrit në Kaliforni me 21.306 njerëz, ose 16,4 përqind, që përbën rritjen më të madhe se e gjithë rritja në nivel kombëtar”, thuhet në deklaratë.

Sekretari i HUD, Ben Carson, paralajmëroi në deklaratë se fenomeni i të pastrehëve në Kaliforni është në një nivel krize dhe duhet të trajtohet nga drejtuesit me urgjencë.

“Adresimi i këtyre sfidave do të kërkojë një përgjigje më të gjerë, të mbarë komunitetit, e cila angazhon çdo nivel qeverie që të strehojë me mëshirë bashkëqytetarët tanë që i quajnë rrugët si shtëpitë e tyre”, tha Carson.

http://mesazhi.com/shba-numri-i-te-pastreheve-rritet-me-27-per-qind-ne-vitin-2019/

LEAVE A REPLY

Please enter your comment!
Please enter your name here