Home Edukim Remitencat rriten për 6.3 për qind

Remitencat rriten për 6.3 për qind

14 views
0
SHARE

Banka Qendrore e Republikës së Kosovës (BQK), ka njoftuar se remitencat vazhdojnë të jenë njëra ndër shtyllat kryesore të të hyrave për Kosovën.

Remitencat që pranohen në Kosovë kryesisht vijnë nga Gjermania dhe Zvicra, prej nga dërgohen 41.3 përkatësisht 19.8 për qind e gjithsej remitencave.

“Remitencat e pranuara në Kosovë, që njëherësh paraqesin edhe kategorinë më të madhe në kuadër të llogarisë së të ardhurave dytësore shënuan vlerën prej 553.3 milionë euro deri në gusht 2019, apo 6.3 për qind më shumë krahasuar me periudhën e njëjtët të vitit 2018”, thuhet në raportin e fundit të BQK-së.

Një pjesë e konsiderueshme e remitencave është pranuar edhe nga SHBA-të, gjegjësisht 7.1 për qind e gjithsej remitencave të pranuara në Kosovë.

Në kuadër të llogarisë financiare, hyrjet nga investimet e huaja direkte (IHD) në Kosovë arritën vlerën prej 199.2 milionë euro duke shënuar rritje prej 22.9 për qind krahasuar me periudhën e njëjtët të vitit 2018″, ka njoftuar BQK, raporton RTKlive. Në kuadër të strukturës së IHD-ve, sipas BQK-së, kapitali dhe fondi i investimeve në aksione arriti vlerën prej 161.0 milionë euro dhe shënoj rritje prej 2.1 për qind, ndërsa IHD-të në formë të instrumenteve të borxhit shënuan vlerën prej 38.2 milionë euro (4.4 milionë euro në periudhën e njëjtët të vitit 2018).

SHPËRNDAJE

http://mesazhi.com/remitencat-rriten-per-6-3-per-qind/

LEAVE A REPLY

Please enter your comment!
Please enter your name here