Home Edukim Princi saudit Muhammed viziton Kishën Kopte në Egjipt

Princi saudit Muhammed viziton Kishën Kopte në Egjipt

0 views
0
SHARE

Princi saudit i kurorës Muhammed bin Salman, gjatë vizitës zyrtare në Egjipt, vizitoi Kishën Kopte në vend, raporton Anadolu Agency (AA).

Me këtë rast, princi Muhammedi u takua me kreun e Kishës Kopte të Egjiptit Tawadros II.

Në deklaratën e Kishës Kopte egjiptiane thuhet se që nga viti 1932, kur u themelua Arabia Saudite, për herë të parë një anëtar i familjes mbretërore saudite vizitoi Kishën Kopte.

Të krishterët kopt përbëjnë midis 10 dhe 15 për qind të popullsisë së përgjithshme egjiptiane, e cila ka rreth 100 milionë banorë.

Më tej shtohet se Tawadros II gjatë bisedës ka thënë se me kujdes ndjek zhvillimet e fundit në Arabinë Saudite.

Bolis Halim, zëdhënësi i Kishës kopte egjiptiane, për AA tha se princi Muhammed kishte ftuar kreun e Kishës Kopte të Egjiptit, Tawadros II dhe bashkëpunëtorët e tij për të vizituar Arabinë Saudite.

Ai theksoi se Princi Muhammad ka dërguar ngushëllime familjeve të viktimave që u vranë gjatë sulmit në kishë që kanë ndodhur në vitet e mëparshme. Princi saudit Muhammed gjatë vizitës së tij në Kajro u takua edhe me sheikun e Al-Azharit, Ahmed El-Tayeb.

Në anën tjetër, gjatë vizitës së princit Muhammedit mes Egjiptit dhe Arabisë Saudite u nënshkruan katër marrëveshje të veçanta, të cilat përfshijnë ngritjen e fondit të investimeve me vlerë prej 16 miliardë dollarë.

Princiti saudit, Mohammed bin Salman, arriti në Egjipt të dielën për një vizitë zyrtare tre-ditore.

Princi Muhammad në janar të vitit të kaluar u gradua në trashëgimtar të parë në fronin e Arabisë Saudite. Kjo është vizita e tij e parë në Kajro në këtë cilësi.

SHARE
Previous articleMos jeto në endrrën e kaluar
Next articleA mendon kur mbush stomakun e ngopesh me ushqim te lezetshem …
“Sikur ndokush prej jush të kishte një lumë përpara shtëpisë së tij dhe të lahej në të pesë herë në ditë, a do të ngelte ndonjë papastërti në trupin e tij?” Thanë: Jo, asnjë papastërti nuk do të mbetej. Tha i Dërguari i Allahut: “Kështu janë edhe pesë namazet me të cilat Allahu fshin gjynahet.” (Buhariu dhe Muslimi)

LEAVE A REPLY

Please enter your comment!
Please enter your name here