Home Blog Page 64

Refleksione pas vizitës së mbretit Salman në Rusi: kur Moska e humbte Riadin në vitin 1938

0

Your browser does not support the video tag.

Javën e kaluar, mbreti saudit Salman u përshëndet në Moskë me shumë pompozitet dhe vëmendje mediatike. Monarku 81-vjeçar mbërriti me një delegacion të madh prej 1500 personash dhe me pritshmëri të larta për marrëveshje madhore politike dhe tregtare.

Vizita e parë e një mbreti saudit në Rusi ishte e pasur me kortezi diplomatike, por kishte mungesa në substancë. Ajo që rezultoi nga tre ditë takimesh ishte shumë më tepër modeste nga sa pritej.

Dy vendet nënshkruan vetëm disa marrëveshje, pjesa më e madhe e të cilave ishin memorandume mirëkuptimi. U arrit një marrëveshje për të ngritur një fond investimesh prej 1 miliardë dollarësh në fushën e energjisë dhe një tjetër fond 1 miliardë dollarë në fushën e teknologjisë së lartë. Palët po ashtu negociuan edhe shitjen e sistemeve të mbrojtjes S-400. Për përkundër kontratave të armëve me vlerë 15 miliardë dollarë që së fundmi SHBA miratuan për Arabinë Saudite, marrëveshja Moskë-Riad duket pothuajse modeste. Duket se takimet e nivelit të lartë në Kremlin nuk arritën të krijojnë dukjen e një arritjeje të madhe politike dhe ekonomike në marrëdhëniet mes dy vendeve.

Një gjë e tillë nuk duhet të jetë aspak surprizë duke pasur parasysh se Rusia dhe Arabia Saudite kanë pasur një thyerje 54-vjeçare në marrëdhënie, gjatë të cilave Shtetet e Bashkuara u bënë partner dominues i Riadit dhe garantues të sigurisë. Ndoshta, rezultatet e vizitës së mbretit Salman do të kishin qenë shumë të ndryshme, nëse nuk do të ishte për incidentin që prishi marrëdhëniet ruso-saudite rreth 80 vjet më parë dhe që solli thyerje mes palëve.

Njihet shumë pak fakti që Riadi dhe Moska kanë pasur marrëdhënie dukshme të ngrohta në vitet 1920-1930. Bashkimi Sovjetik ishte, në fakt, një pionier diplomatik në Arabinë Saudite: ishte shteti i parë që njohu Abdulaziz Al Saud (babain e mbretit Salman) si mbret të Hixhazit dhe sultan të Nejdës në shkurt 1926.

Ofensiva e joshjes sovjetike në gadishullin Arabik në vitet 1920 ishte kulmimi i përpjekjeve të panumërta të Moskës për të futur këmbën në rajon. Në fillim të viteve 1900, mjetet ushtarake perandorake ruse nisën të frekuentonn Gjirin dhe të kërkonin ankorim në Kuvajt midis destinacioneve të tjera. Kroçiera e famshme ruse Varyag vizitoi Kuvajtin në dhjetor 1901 dhe kapiteni i saj u prit nga emiri Mubarak Al Sabah, pavarësisht marrëveshjes që ai kishte me Britaninë e Madhe për të mos pritur dinjitarë të huaj ushtarakë. Ishte gjatë kësaj vizite që rusët u prezantuan për herë të parë me Abdul Rahman Al Saud i cili ishte në azil në Kuvajt në atë kohë, së bashku me djalin e vet më të madh Abdulaziz. Ky i fundit një vit më pas rimorri Riadin nga rivalët e tyre, shtëpia e Rashidëve.

Ndërsa shtëpia Al Saud kërkonte mbështetje ndërkombëtare, Londra e shihte Abdulazizin e ri me shumë skepticizëm, që është edhe arsyeja përse ai vuri kontakte me konsullin rus në qytetin pers, Bushehr duke e ftuar për vizitë. Konsulli e vizitoi Kuvajtin në vitin 1903 i shoqëruar nga një anije ushtarake ruse, gjë që shkaktoi zemërim në Londër.

Por, ishte vetëm pas revolucionit Bolshevik kur Moska vendosi të fokusohet seriozisht në rajonin e Gjirit. Ashtu si edhe Perandoria Ruse, Bashkimi Sovjetik e pa vlerën e pranisë diplomatike në rajon si një mënyrë për t’u përballur me Britaninë.

Përveçse vijoi marrëdhëniet me shtëpinë Al Saud, Bashkimi Sovjetik kërkonte afrimin me mbretërinë e Hixhazit sundimtari i së cilës, Sharif Hussein kontrollonte Mekën dhe Medinën, si një mënyrë për t’u afruar me gjithë botën muslimane. Duke qenë në kundërshti me Londrën, Hussein ishte në kërkim të aleatëve të fortë të huaj, që është arsyeja përse përfaqësuesit e tij në Romë u angazhuan në bisedime me sovjetikët.

Komunikimi intensiv diplomatik midis Georgy Chicherin, komisarit të popullit sovjetik për Çështjet e Jashtme dhe diplomatëve sovjetikë, tregon sesa i rëndësishëm ishte vizioni i tij për gadishullin Arabik dhe rolin në botën muslimane. Duke mbrojtur caktimin e një muslimani sovjetik në Hixhaz, Chicherin vinte në dukje në një memo dërguar Jozef Stalinit se “të futesh në Mekë është e një rëndësie kyçe për ne, për shkak se do të rriste ndikimin tonë në Arabi dhe përtej saj”. Ai ishte i ndërgjegjshëm se pelegrinazhi i përvitshëm në Mekë, Haxhi, ishte një mundësi perfekte për t’u afruar me mijëra muslimanë nga kolonitë britanike e franceze dhe për të ndezur ndjesi anti-koloniale.

Në gusht 1924, konsulli sovjetik, gjenerali Karim Khakimov, musliman sovjetik me origjinë tatare, mbërriti në Xhedah. Shpejt pas mbërritjes së tij, Abdulaziz ndërmorri fushatën për të marrë në kontroll Hixhazin, që i përballi diplomatët sovjetikë me dilemën se cilën palë duhet të përkrahnin.

Dërgesat diplomatike nga komisari për punët e jashtme urdhëronin Khakimov ta poziciononte veten si aleat i gjithë arabëve pa shfaqur hapur preferencë për ndonjë palë. “Në qoftë se Ibn Saud ndjek një politikë të bashkimit të arabëve, kjo do të jetë në interesin tonë, dhe ne do të na duhet të afrohemi më shumë me të, ashtu si respektuam Hussein-in i cili u përpoq të unifikojë Arabinë”, shkruante Chicherin për të dërguarin Khakimov. Bashkimi Sovjetik e shihte unifikimin e arabëve si hapin e parë drejt fuqizimit të muslimanëve në rajon dhe minimit të sundimit britanik mbi ta.

Deri në dhjetor 1924, Abdulaziz mori Mekën dhe Khakimov ishte i bindur se kishte ardhur koha që ai ta paraqiste veten tek Ibn Saud. Në prill 1925, kur Xhedah ishte nën rrethim, ai u lejua të bëjë Umra-n, një rit në Mekë, ku Ibn Saud ishte vendosur, e kështu për të pasur një mundësi për ta takuar atë – diçka që asnjë diplomat perëndimor jo-musliman nuk ishte lejuar ta bënte. Letrat e Khakimov ndaj Moskës tregojnë se takimet e tij me Abdulazizin shkuan veçanërisht mirë dhe se madje, edhe ideja e tij e ndërmjetësimit sovjetik midis Hixhazit dhe Nejdës u perceptua pozitivisht nga Ibn Saud.

Deri në fund të vitit 1925, Ibn Saud kontrolloi Xhedah-n, dhe në shkurt 1926 ai e shpalli veten mbret të Hixhazit dhe sulltan të Nejdës. Sapo misioni diplomatik sovjetik mësoi lajmin, Khakimov bëri atë që i fitoi atij respektin dhe miqësinë e Ibn Saudit. Më 16 shkurt, Karim Khakimov ngau makinën e tij personale të ngarkuar me një flamur sovjetik përmes zjarrit të armëve nga Xhedah në rezidencën e Ibn Saudit në shkretëtirë, për t’i dorëzuar notën formale që njihte statusin e tij si mbret. Bashkimi Sovjetik ishte shteti i parë që njohu titullin e tij të ri. Abdulaziz u përgjigj me një letër ku falenderonte Bashkimin Sovjetik për neutralitetin gjatë luftës me Hussein-in dhe shprehte gatishmërinë për “marrëdhënie me qeverinë e BRSS dhe qytetarët e saj”.

Marrëdhëniet sovjetiko-saduite u përmirësuan edhe më shumë kur kongresi pan-Islamik i Mekës që u mblodh në qershor 1926 kërkoi të zgjidhte konfliktin për Mekën dhe Medinën.

Në atë kohë, kontrolli i Ibn Saud-it mbi këto dy vende të shenjta kishte shumë kundërshtarë midis vendeve të fuqishme islame, e kjo ishte arsyeja e rëndësisë madhore që ai të fitonte njohje në Kongres.

Duke e kuptuar këtë, Bashkimi Sovjetik bëri diçka që binte në kundërshtim thelbësor me ideologjinë e tij ateiste: dërgoi gjashtë akademikë muslimanë sovjetikë për të marrë pjesë në kongres. Moska me 30 milionë muslimanë sovjetikë pas, e vendosi mbështetjen e kësaj peshe tek mbreti Abdulaziz, duke mundësuar gjashtë vota që ai të zgjidhej presidenti i kongresit. Për më tepër, si rezultat i përpjekjeve të Khakimovit, një delegat sovjetik u zgjodh zëvendës-president i konferencës. Pasi kishte vendosur marrëdhënie të plota diplomatike me mbretin Abdulaziz, Bashkimi Sovjetik nisi në vitin 1928 një shef të ri misioni në mbretëri, Nazir Bey Turyakulov.

Shqetësimi kryesor i Londrës për ndikimin sovjetik në Xhedah ishte se po përhapte propagandë komuniste midis muslimanëve gjatë haxhit. Në të vërtetë, kjo ishte një nga idetë që Moska kishte për diplomatët e vet në Xhedah, por në realitet, misioni sovjetik pati shumë vështirësi të lidhej si me vendasit ashtu dhe me pelegrinët.

Të përballur me shumë rezistencë, diplomatët sovjetikë vendosën të fokusohen në krijimin e lidhjeve tregtare midis porteve sovjetike të Detit të Zi dhe Hixhazit. Khakimov arriti ta bindë mbretin Abdulaziz të hiqte sanksionet mbi mallrat sovjetike që ekzistonin në mbretëri për shkak të lobimit të Londrës. Në vitet 1929-1930, mallrat sovjetike vërshuan në mbretëri nga qyteti-port i Odesës. Arritja më e madhe e diplomatëve sovjetikë në Xhedah ishte qasja në tregun e kerosenit dhe benzinës që pothuajse dominohej krejtësisht nga britanikët. Bashkimi Sovjetik po ashtu dërgoi një grup mjekësh në mbretëri për t’u kujdesur për pelegrinët gjatë haxhit.

Si rezultat i përpjekjeve të Khakimov për të zhvilluar edhe më tej lidhjet me Ibn Saud-in, djali i këtij të fundit, princi Faisal (i cili u bë mbret në vitin 1969) vizitoi Bashkimin Sovjetik gjatë turit të tij të zgjeruar europian në vitin 1932. Moska bëri gjithçka të mundur për të impresionuar Faisalin dhe grupin e tij të shoqërimit duke u paraqitur atyre arritjet e industrisë sovjetike, duke falur borxhin saudit që ishte akumuluar deri në atë kohë, dhe më e rëndësishme duke ofruar një milion paundë britanikë një ndihmë financiare, për të cilën mbreti Abdulaziz kishte shumë nevojë. Ndërsa vizitonte Azerbajxhanin sovjetik, që po kalonte në një periudhë bumi në sektorin e naftës, princi Faisal u impresionuar nga industria e naftës duke shprehur dëshirën për të pasur të njëjtën teknologji në mbretëri.

Mbreti Faisal takon sekretarin amerikan të Shtetit, Henry Kissinger në Riad në 19 mars 1975
Vizita e vitit 1932 në Bashkimin Sovjetik ishte pjesa më e dukshme e marrëdhënieve saudito-sovjetike. Mbreti Abdulaziz e përdori ofertën e Moskës për ndihmë financiare për të shtyrë Londrën të mundësonte ndihma dhe nuk e pranoi asnjëherë ofertën e BRSS-së. Nga kjo pikë e më pas, marrëdhëniet midis dy shteteve ndalën në vend. Ndërsa pushteti i Stalinit forcohej gjithnjë e më shumë, marrëdhënia midis regjimit komunist dhe vendit musliman po bëhej jo e lehtë. Në vitin 1932, Bashkimi Sovjetik ndaloi jo-zyrtarisht muslimanët e vet që të shkonin në Haxh.

Mjekët sovjetikë vijuan të punojnë në mbretëri dhe misioni diplomatik vijoi të funksiononte duke përhapur propagandë sovjetike midis sauditëve. Në vitin 1937, gruaja e konsullit sovjetik, edhe ajo mjeke, qëndroi madje me gruan e princit Faisal për disa muaj.

Pasi kaloi pak vjet në Jemen dhe në Moskë, Karim Khakimov u rikthyer në Xhedah si shef misioni në vitin 1935, duke shpresuar të rivitalizojë marrëdhënien që gjatë mungesës së tij, gati ishte ndalur.

Khakimov u përpoq të negocionte marrëveshje të reja tregtare me mbretin, mirëpo Moska nuk ishte më e interesuar. Ishte koha kur Hitleri po forcohej çdo ditë e më shumë në Europë dhe Stalini, i cili ishte skeptik për praninë e BS në rajonin e Gjirit që nga fillimi, nuk e shihte më me përfitime partneritetin me mbretin Abdulaziz. Në fakt, lënia mënjanë e të gjitha ambicjeve politike për Gjirin, ishte një gjest që Moska mendoi se do ta afronte me Anglinë, mbështetjen e së cilës e kërkonte kundër Hitlerit.

Karriera e Laurencit sovjetik të Arabisë përfundoi papritmas kur ai ra viktimë e terrorit politik të Stalinit në vitin 1937. Në shtator të këtij viti, ai u thirr në Moskë për një vizitë rutinë në Ministrinë e Jashtme, por pas arritjes, ai u arrestua me dyshimin se ishte spiun. Kolegu i tij, Turyakulov i cili punoi me të për dosjen saudite u ekzekutua në tetor 1937. Khakimov u ekzekutua në janar 1938.

Mbreti Abdulaziz u zemërua shumë nga lajmi se dy diplomatët sovjetikë të cilët ai i konsideronte miq, ishin vrarë. Dy muaj pas ekzekutimit të Khakimov në Moskë, gjeologët amerikanë zbuluan depozitat më të mëdha të naftës krudo në Dhahran. Kjo nxiti Bashkimin Sovjetik të caktonte një shef të ri misioni në Xhedah në vitin 1938. Mbreti Abdulaziz, sidoqoftë, e ktheu pas këtë emërim, duke thënë se nuk dëshironte të shihte askën tjetër përveç Khakimov apo Turyakulov në Xhedah. Ai akuzoi Moskën se kishte përgatitur një revolucion në botën muslimanë dhe ndërpreu lidhjet diplomatike me Bashkimin Sovjetik. Në shtator 1938, të gjithë diplomatët e mbetyr sovjetikë u larguan nga Xhedah dhe misioni u mbyll. Me BRSS të eleminuar si rival, Britania dhe më pas Shtetet e Bashkuara morën në dorë zhvillimin dhe shfrytëzimin e naftës saudite.

Marrëdhëniet midis Rusisë dhe Arabisë Saudite u rikthyen plotësisht vetëm në vitin 1992, pas rënies së Bashkimit Sovjetik. Kanë kaluar 25 vjet prej asaj kohe dhe marrëdhëniet ende nuk janë zhvilluar përtej ndonjë vizite simbolike. Përpjekjet diplomatike të Karim Khakimov për të krijuar lidhje të forta dhe afatgjata midis Moskës dhe Riadit mbeten ende të pakrahasueshme.

(Analiza e mësipërme është botuar në Al Jazeera. Autori i saj Yury Barmin është ekspert në Këshillin rus të Marrëdhënieve Ndërkombëtare që mbulon Lindjen e Mesme dhe Afrikën Veriore, politikat e Moskës ndaj rajonit dhe konfliktet në Siri dhe Libi. Ai kontribuon rregullisht me analizat e tij në Al Monitor, Institutin e Lindjes së Mesme, Forumin Al Sharq si dhe në qendrën FARAS. Barmin ka master në filozofi për marrëdhënie ndërkombëtare nga universiteti i Kembrixhit.)

Përgatiti: Juli Prifti – /tesheshi

Duaja e mrekullive!

0

Duaja e mrekullive!

[Ne na mjafton Allahu, Allahu do të na furnizojë nga të mirat e Tij, dhe se vetëm te Allahu e mbështesim dëshirën.]

Thotë shejh Ibn Baz për këtë dua:
“Pasha Allahun,sa herë që jam lutur me këtë dua në teshehudin e fundit, për ndonjë vështirësi, më është lehtësuar.”

Ndërsa shejh el-Megamisi thotë:
“Kjo dua është dua e mrekullive. Pasha Allahun, nëse ndodhesh në ndonjë situatë ku nuk ke zgjidhje, dhe e lut Allahun me këtë dua, të vjen rrugëdalja prej nga nuk e din, me lejen e Allahut.”

Mësojeni këtë dua dhe ua mësoni të tjerëve!

Fëmija palestinez synon rekordin Guinness me elasticitetin e tij

0

Shprëndaje në Facebook

Cicëro në Twitter

Your browser does not support the video tag.

Një fëmijë palestinez është duke synuar të hyjë në Librin e Rekordeve Guinness me elasticitetin e tij, raporton AA.
Jusuf el-Behtini, 12 vjeçar, i cili përpiqet të zhvillojë edhe më tepër talentin e tij përmes lëvizjeve gjimnastikore që bën në Gaza, arrin të magjeps njerëzit me elasticitetin e tij. Behtini mund të përshkojë 20 metra për 14 sekonda në formë të urës, duke lënë pas personin që mban rekordin prej 17 sekondash në Librin e Guinnessit.
Duke folur për AA, ai tregon se talentin e tij e ka zbuluar para dy viteve, në saje të vëllait më të madh. “Që nga ajo kohë e deri më tani, unë kam punuar shumë që ta zhvilloj këtë aftësi time në mënyrë që të hyj në Librin e Rekordeve Guinness. Dua të marr pjesë në gara ndërkombëtare, në mënyrë që e gjitha bota ta dijë se është e mbushur me talente”, tha Behtini.
Nëse arrin ta kalojë kufirin, do të marrë pjesë në programin testues në Jordani
Vëllai i madh i Jusufit, njëherësh trajneri i tij, Muhammed el-Behtini, thotë se vëllai i tij ka trup tejet elastik, duke shtuar se ai bën lëvizje që një njeri i zakonshëm nuk mund t’i bëjë. Ai thotë se ushtron vëllain e tij përmes videove që ka gjetur në internet. Vëllai i madh i tij thotë se pjesën më të madhe të ushtrimeve i bëjnë në shtëpi, meqenëse nuk ka kurs të gjimnastikës.
Behtini tregon se ka kontaktuar me zyrtarë të Guinnessit dhe ua ka dërguar videon e vëllait të tij, ndërsa zyrtarët e kanë informuar se do t’i përgjigjen, duke i dhënë leje të marrë pjesë në programin testues në Jordani.
Ata shpresojnë që të hapet kalimi kufitar Refah mes Egjiptit dhe Gazës, dhe që aty të kalojnë në programin në Jordani.
Rripi i Gazës mbahet prej vitesh i bllokuar nga Izraeli, ndërsa dalja nga ky vend bëhet nga vendkalimi Refah me leje të Egjiptit.
Qeveria egjiptiane, pas puçit ushtarak të 3 korrikut të vitit 2013, kohë pas kohe hap në afate të shkurtra vendkalimin Refah.

Ky ajet recitohet për çifta që nuk kan fëmijë

0

Lutja e Hz. Zekerijahut a.s.
RABBI LA TEZERNI FERDEN VE ENTE HAJRU’L-VARITHIN.
Zoti im,mos më le të vetmuar se Ti je më i miri trashëgues(pas çdo kujt)
(El-Enbija,89)

(Ky ajet recitohet për çifta që nuk kan fëmijë)

HRW: Irani rekruton fëmijët afganë për të luftuar në Siri

0

Organizata ndërkombëtare për mbrojtjen e të drejtave të njeriut Human Rights Watch (HRW) akuzoi të dielën Iranin për rekrutimin e fëmijëve emigrantë afganë për të luftuar në Siri krah për krah me forcat e regjimit, raporton Anadolu Agency (AA).

Në një raport të fundit, HRW tha se fëmijët afganë të moshës 14 vjeçare luftuan në divizionin Fatemiyoun, një grup afgan i armatosur dhe mbështetur nga Irani që lufton së bashku me forcat e regjimit sirian.

Sipas HRW, ligji ndërkombëtar thotë se rekrutimi i fëmijëve të moshës nën 15 vjeçare për të marr pjesë në aktivitete luftarake paraqet krim lufte.

Kjo organizatë thotë më tej se pjesëtarët e saj kanë parë fotografi të varrezave në Iran në të cilat autoritetet kanë varrosur luftëtarët e vrarë në luftimet në Siri ku kanë identifikuar tetë fëmijë afgan të cilët sipas të gjitha gjasave kanë luftuar dhe janë vrarë në Siri.

“Raportet në mediat iraniane konfirmuan disa nga këto raste dhe raportuan të paktën gjashtë raste të ushtarëve fëmijë afganë të cilët vdiqën në Siri”, thuhet mes tjerash në raport.

Drejtoresha e HRW për Lindje të Mesme, Sarah Leah Whitson, i ka bërë thirrke qeverisë së Teheranit që menjëherë ti japë fund rekrutimit të fëmijëve, dhe ti kthejë të gjithë ata që janë dërguar në Siri.

“Autoritetet e Teheranit duhet të mbrojnë fëmijët dhe të kërkojnë përgjegjësi nga ata që kanë rekrutuar fëmijët afganë”, thuhet në fjalën e saj përfshirë në raport.

Më herët HRW kishte dokumentuar raste të refugjatëve afganë të cilët ishin paraqitur “vullnetarë” për të luftuar në Siri me shpresë që të rregullojnë statusin ligjor të familjeve të tyre në Iran.

Që nga viti 2013 thuhet në raport, Irani ka përkrahur dhe trajnuar mijëra afganë, pjesë e divizionit Fatemiyoun, disa nga të cilët emigrantë pa dokumente.

Raporti citon agjencitë iraniane të lajmeve Defa Press dhe Tasnim News që ka lidhje me Gardën Revolucionare të kenë vlerësuar se divizioni Fatemiyoun përbëhet nga rreth 14.000 luftëtarë.

Irani ka strehuar rreth 3 milionë afganë, shumë prej të cilëve kanë ikur nga persekutimi dhe konfliktet e armatosura në vendlindje. Vetëm 950.000 prej tyre kanë status ligjor si refugjatë.

Adami, njeriu që kryen 700 rrotullime rreth Qabesë së Shenjtë çdo muaj

0

Adam Al-Hawwash është një shtetas saudit i moshës së mesme, i cili thotë se kryen rreth 700 tavafe (rrotullime) rreth Qabes së Shenjtë për çdo muaj.

Ai shtyn një karrocë kryesisht për personat e sëmurë, me aftësi të kufizuara dhe të moshuar. Pelegrinë të tillë, të cilët nuk kanë mundësi të kryejnë tavafin e tyre vetë, paguajnë shërbimet e njerëzve si Al Hawwash.

Edhe këtë vit gjatë sezonit të Haxhit, Al Hawwash vuri në dispozicion karrocën e tij për pelegrinët që donin të bënin 7 tavafe rreth Qabes së Shenjtë. Këtë muaj, ai ofroi shërbime për rreth 100 pelegrinë. Kjo do të thotë se ai ka kryer 700 tavafe rreth Qabes së Shenjtë. Fatkeqësisht, ai nuk kishte kohë të mjaftueshme për të menduar për haxhin e tij.

Ai tregon se gjendja e tij e dobët financiare nuk i kishte dhënë mundësinë që të kryejë Haxhin. Kufizimet financiare dhe përgjegjësia e familjes mbi supet e tij nuk e lejuan që ai të plotësonte shtyllën e pestë të Islamit. Ai duhet të punojë shumë për të plotësuar nevojat e familjes.

Al Hawwash ka ofruar shërbimin me karrocë për haxhinjtë për shumë vite. Ai filloi këtë punë para shumë vitesh me rekomandimin e nënës së tij. Ishte nëna e tij që e udhëzoi për këtë punë. Ai është me të vërtetë një bir i respektuar. Ai zbuloi se para se të shkon në punë, gjithnjë puth ballin e nënës së tij.

Puna e Al Hawwashit nuk është aspak e lehtë, tavafi është një proces i vështirë sidomos kur duhet t’i mbani ose shtyni dikë . Duke përshkruar peshën e rëndë të punës së tij, ai thotë se duhet të përballojë dhimbje të këmbëve dhe të shpinës, që e detyrojnë atë të lidhë një korse rreth belit për t’i zvogëluar ato.

Puna e tij është e vështirë dhe e lodhshme, por mungesa e financave e kanë detyruar atë që të kryejë këtë punë. Ai fiton mirë përmes ofrimit të shërbimeve të tij. Ai fiton 100 SR për person. Dhe duke qenë se ai ka mbajtur 100 persona këtë muaj, i bie se ai ka fituar rreth 10,000 SR! Haxhi dhe muaji i Ramazanit janë koha kur ai ka pikun e punës, andaj këto dy muaj i mundësojnë atij të fitojë mirë dhe të kursejë për të ardhmen. Gjatë këtyre viteve, ai ka fituar përvojë në shtyrjen e karrocës.

Ai thotë se është një punë që kërkon të përdorësh taktika, të respektosh orët e pikut dhe të shpërndash punën në mënyrë proporcionale gjatë ditës, në mënyrë që të mos lodhesh dhe sëmuresh. Shëndeti është një faktor i domosdoshëm për këtë punë.

Al Hawash thotë se ai ha shumë hurma dhe banane. Këto dy ushqime ishin burimi i tij i energjisë. Ky person zemërmirë gjithashtu i udhëzon klientët e tij me lutjet që Profeti Muhamed e kishte traditë t’i thoshte gjatë kryerjes së tavafit. /tesheshi.com/

Artisti Pëllumb Rira, triumfon sërisht në Emiratet e Bashkuara Arabe

0

22 Shtator, 2017, Dubai, UAE: Hapja e sezonit te artit eshte shume afer dhe se shpejti Galleria Artissima dhe Global Agency, kane organizuar nje mix bashkepunimi midis artisteve Emiratas dhe artisteve internacional, qe do mbahet ne Jumeirah Beach Hotel, ne “La Parrilla” restorant me date 25 Shtatore.

40 Artistet do ekspozojne disa nga punimet ne kanavace , ceramike dhe vazo ceramike, duke u ekspozuar se bashku artistet viziv dhe performance.

Artistet jane nga vende te ndryshme te botes. Emiratet e Bashkuara Arabe, Italia, Albania, Argjentina, Bolivia, Peru, Kolombia, Amerika, Brazili, Kosta Rica, El Salvador, Spanja, Ku secili nga artistet do ekspozoje punimet e tyre.

Artisti Pellumb Rira do perfaqesoje Shqiperine e do paraqitet me nje punim ceramike, te quajtur , “Portret”.

Rira nuk eshte hera e pare qe ekspozohet ne Dubai. E filloj me nje tour artistike ne te 7 Emiratet se bashku me artiste Amerikan dhe nga ky tour mori dhe frymezimin per punimin qe do ngjallte kureshtje jo vetem mbi artistin po dhe mbi Shqiperine.

Piktura ne kanavace e Sheikh Mohammed Bin Rashid Al Maktoum,Udheheqesit te Dubait dhe Kryeminister i Emirateve te Bashkuara Arabe dhe dajes se tij, Sheikh Mejren beri buje per nivelin e larte te realizimit te saje.

Gjithcka e mundesuar nga Artissima Art Galleri, po dhe nga puna e pandalueshme e menaxheres dhe themelueses se saj, Aurela Cuku.

Artissima ne kete event do shpalle dhe hapjen e Kompanise te re “Global Agency”me qender ne Abu Dhabi.

Ekspozita do kurohet nga Aurela Cuku me pjesmarrjen e Kritikes se artit Mariana Turchio.

Ne hapjen e ekspozites do marrin pjese Qeveritare, Diplomat, VIP nga komunitete te ndryshme.

Ekspozita do zgjase deri me date 30 Shtatore. Sponsor kryesore, Gateway Group of Companies, Senor Pepes Mexican Foods, Ali Cloud Investment, El Correo del Golfo etj.

Gjenden të vdekura aktivistet siriane në Turqi

0

Shpërndaje në Facebook

Tweet në Twitter

Një aktiviste e shquar e opozitës siriane dhe vajza e saj gazetare janë gjetur të vdekura në Turqi, thonë policia.

Trupat e Orouba Barakat, 60 vjeçare, dhe vajza e saj 22-vjeçare Hala, u gjetën pa shenja jete në banesën e tyre në qarkun Uskudar të Stambollit.

Motra e Oroubas tha se të dyjat ishin therrur për vdekje.
Në një postim në Facebook, ajo gjithashtu pretendoi se të dy gratë ishin vrarë “nga dora e tiranisë dhe padrejtësisë”.

Hala Barakat kishte shkruar në faqet e para të gazetave për tiranitë e regjimit sirian dhe i kishte demaskuar krimet e kryera ndaj civilëve. /MESAZHI/

SHPËRNDAJE

Facebook

Twitter

Kosova pritet të hapë ambasadën në Emiratet e Bashkuara Arabe

0

Zëvendëskryeministri i parë, njëherësh shefi i diplomacisë kosovare, Behgjet Pacolli, në kuadër të takime të tij në margjina të punimeve të Asamblesë së Përgjithshme të Kombeve të Bashkuara, është takuar me homologun e tij nga Emiratet e Bashkuara Arabe, Abdullah bin Zayed bin Sultan Al Naya, me të cilin ka biseduar për bashkëpunimin ekonomik në mes të dy vendeve.

Pacolli falënderoi homologun e tij nga Emiratet e Bashkuara për mbështetjen sistematike dhe të palëkundur të vendit të tij ndaj Kosovës dhe popullit të saj nëpër të gjitha proceset.

Ai shprehu vullnetin e tij për thellimin dhe zgjerimin e bashkëpunimin dy-palësh në mes dy vendeve, duke theksuar në veçanti investimet e mundshme nga Emiratet e Bashkuara Arabe në fushën e turizmit, bujqësisë, teknologjisë informative dhe shërbimeve.

Gjatë takimit është përmendur si shenjë pozitive edhe hapi i ndërmarrë nga institucionet e Republikës së Kosovës për heqjen e vizave për të gjithë shtetasit, që janë në posedim të pasaportave të lëshuara nga Emiratet e Bashkuara Arabe.

Si hap konkret për rritjen e mundësive në fushën e bashkëpunimit ekonomik në mes të dy vendeve është vlerësuar edhe organizimi i përbashkët të Forumit Ekonomik dhe Investimeve në Abu Dhabi vitin e ardhshëm.

Gjatë këtij takimi është rikonfirmuar, gjithashtu, mbështetja e Kosovës për anëtarësim në gjitha organizatat ndërkombëtare.

Me qëllim të thellimit dhe zgjerimit të bashkëpunimit, Republika e Kosovës, pritet që së shpejti të hapë ambasadën e saj në Emiratet e Bashkuara Arabe.

Nënat e rrepta kanë fëmijë më të suksesshëm

0

Shpërndaje në Facebook

Tweet në Twitter

A ishin prindërit tuaj të rreptë me ju ndërkohë që ju rriteshit? A ju urdheronin të pastronit dhomën tuaj, të bëni detyrat dhe të fokusoheni në të ardhmen tuaj çdo ditë? Shumë prej nesh janë rritur në familje me nënat strikte që herë pas here e kanë bërë jetën tonë një ferr të gjallë.

Vuajtja e vazhdueshme dhe përpjekja për të qëndruar “mbi kokën tuaj” ishte me siguri e vështirë, por sipas një eksperti, nënat e rrepta zakonisht kanë fëmijë më të suksesshëm. Pra, edhe nëse atëherë keni vuajtur shumë, do të përfundoni duke falënderuar nënën tuaj për mënyrën se si ju ka trajtuar.

Erica Rascon, një profesoreshë nga Universiteti i Essex ka kryer një studim që tregoi se nënat e rrepta kanë fëmijë të suksesshëm dhe se njerëzit e suksesshëm kishin nënat shumë kërkuese. Hulumtimi ka analizuar anketat e më shumë se 15 000 fëmijëve të moshës 13-14 vjeçare midis viteve 2004 dhe 2010.

Fëmijët, nënat e të cilëve kishin kerkesa të mëdha, janë shumë më të pavarur dhe më të sigurt në vetëvete.

Fëmijët që kishin nënat kërkuese kishin gjithashtu më shumë gjasa të përfundonin kolegjin dhe të kishin një punë të mirë. Kjo mund të tingëllojë si joreale, por nënat e rrepta kanë fëmijë më të suksesshëm. Shumica e fëmijëve e konsiderojnë nënën e rreptë armikun më të madh që ata kanë ndërsa janë të vegjël, por ne ju sigurojmë se vendosmëria e saj do t’ju ndihmojë më vonë në jetë. Ju do të vlerësoni të gjitha përpjekjet që ka bërë për t’ju rritur, dhe do të përpiqeni të adoptoni të njëjtën qasje për fëmijët tuaj.

SHPËRNDAJE

Facebook

Twitter