Tuuba7 | Portal Informativ Islam

FRIKA – NJË NGA VEPRAT E ZEMRËS

Ebu Seleme — Thu, 23 Feb 2012 03:01:15 +0000

Prej adhurimeve të zemrës është edhe frika.
Dije vëllai im, Allahu të mëshiroftë ty dhe mua, se Allahu e ka bërë obligim frikën ndaj Tij dhe ka thënë: “Juve ju ka frikësuar vetëm djalli me simpatizuesit e vet, por ju mos iu frikësoni atyre, frikësohmuni Mua, nëse jeni besimtarë!” (Ali Imran, 175); pastaj, Allahu ka thënë: “…vetëm prej Meje duhet të frikësoheni!” (Bekare, 40)

I ka lavdëruar Allahu ata që i frikohen Atij, Allahu ka thënë: “Me të vërtetë, ata që prej frikës së madhe ndaj Zotit të tyre, frikësohen (nga dënimi i Tij), dhe ata që besojnë në argumentet e Zotit të tyre, dhe ata që nuk i bëjnë shok Zotit të tyre, dhe ata që japin nga ajo që u është dhënë atyre, e zemrat e tyre janë të frikësuara, meqë do të kthehen te Zoti i tyre, ata nxitojnë në vepra të mira dhe për to i kalojnë të tjerët. ” (Mu’minun, 57-61)
Haseni ka thënë: “Kanë punuar për Allahun punë të mira dhe janë përpiqur në të, dhe frikoheshin që ato t’iu kthehen mbrapsht, të mos i pranohen.”
Transmetohet nga Aisheja, Allahu qoftë i kënaqur me të, e cila ka thënë: “E kam pyetur të Dërguarin e Allahut për këtë ajet te Kuranit: “… Edhe ata të cilët nga ajo (pasuria) që u jepet japin dhe u dridhen zemrat…” ka thënë Aisheja: “A janë ata që pinë alkool dhe vjedhin?” Tha i Dërguari i Allahut, alejhi selam: “Jo, oj bija e të sinqertit (Ebu Bekrit), por ata janë që agjërojnë, falen, japin lëmoshë; këta janë që frikohen se nuk do të pranohet prej tyre, ata shpejtojnë të bëjnë vepra të mira dhe në ato prijnë” (Transmeton Tirmidhiu , Ibën Maxhe dhe hadithin e ka vërtetuar Shejh Albani, Allahu e mëshiroftë)

Allahu frikën ndaj Tij e ka bërë një nga qëllimet e të Dërguarve.

Allahu ka thënë: “Ne, pejgamberët i dërgojmë vetëm si përgëzues dhe qortues…”(Enam, 48)
Muhammedi, alejhi selam, e ka mbledhur popullin e tij në kodrën Safa dhe ka thënë: “Nëse ju them se pas kësaj kodre ka kuaj a do të më besoni?”

I thanë: “Po, asnjëherë nuk na ke gënjyer, tha: “Unë jam alarmues për ju…”(Transmeton Buhariu dhe Muslimi)

Dije ti vëlla, Allahu të mëshiroftë ty dhe mua, se frika ndaj Allahut ka fryte të mëdha në këtë botë dhe botën tjetër, prej tyre:

1. Është shkak i forcimit në tokë, shtimit të imanit dhe qetësisë.

Allahu ka thënë: “Mosbesimtarët u thoshin Pejgamberëve të tyre: “Do t’iu përzëme nga vendi ynë ose do të ktheheni në fenë tonë.”

Kurse, atyre Zoti i tyre u ka kumtuar: “Ne patjetër do t’i shkatërrojmë mizorët, dhe pas tyre do t’ju vendosim në tokë. Ajo është për ata qe i tremben daljes para Meje dhe kërcënimit Tim.” (Ibrahim, 13-14)

2. Ringjalle punën e mirë dhe sinqeritetin në të.

Allahu ka thënë: “Ne ju ushqejmë vetëm për hir të Allahut, nuk dëshirojmë prej jush shpërblim as falënderim. Ne frikësohemi nga Zoti ynë, atë ditë kur do të ngrysen dhe të errësohen fytyrat.” (Insan, 9-10)

3. E bënë njeriun të jetë nën hijen e arshit të Allahut.

Ebu Hurejra transmeton se Pejgamberi, alejhi selam, ka thënë: “Allahu në ditën e llogarisë do të thotë: “Ku janë ata që kanë dashur njëri-tjetrin për hir të Madhërisë Sime?” Atë ditë ata do të jenë nën hijen e Allahut, ku nuk do të ketë hije tjetër pos hijes së Tij” (Sahih Muslim 2566)

Poashtu kemi hadithin e Pejgamberit, alejhi selam: “Shtatë persona Allahu do t'i marrë në flladin e Tij atë ditë ku nuk do të ketë hije tjetër përveç hijes së Allahut. Ata janë: – sundimtari i drejtë, – I riu që është rritur në ibadet dhe i është nënshtruar Allahut – Njeriu zemra e të cilit është lidhur për xhaminë që nga dalja prej saj e deri në ardhjen e sërishme të falë namazin e radhës, – Dy njerëz që duhen mes vete e shoqërohen dhe ndahen për hire të Tij (dhe kështu kanë kaluar deri në vdekje) – Njeriu që vetmohet në ibadet dhe meditim, dhe ashtu në vetmi duke e përmendur Allahun sytë e tij lotojnë – Njeriut që i vardiset një grua e bukur e ai i përgjigjet: – Unë i frikësohem Allahut, Sunduesit të Botërave, dhe – Njeriu që ndanë sadakë fshehurazi, ashtu që dora e majtë mos e dijë çka bën e djathta”. (Transmeton Buhariu dhe Muslimi)

4. Është shkak për falje.

Muhammedi, alejhi selam, ka thënë: “Ishte një njeri që i kishte bërë keq vetes, dhe kur i arriti vdekja i porositi fëmijët e tij, që kur të vdesë t’ia djegin trupin dhe pastaj ta lënë në erë, se vAllahi nëse Allahu ka caktuar për mua dënimin do të më dënojë dhembshëm që askënd para meje nuk e ka dënuar ashtu. Porsa vdiq ia çuan amanetin në vend, e Allahu e urdhëroi tokën dhe i tha: “Grumbulloje atë dhe ajo e bëri, e ja që ai qëndronte në këmbë, Allahu e pyeti çka të shtyu ta bësh këtë?”

Tha: “O Zot, nga frika prej teje, dhe Allahu ia fali.” (Transmeton Buhariu dhe Muslimi)

5. Rrugë për në Xhennet.

Muhammedi, alejhi selam. ka thënë:

“… vërtetë malli i Allahut ështe i shtrenjtë, vërtetë malli i Allahut është Xhenneti”.(Transmeton Tirmidhiu dhe Hakim , Shejh Albani thotë se hadithi është sahih)
Allahu ka thënë: “Ai i cili i frikohet Zotit të vet, do të ketë dy kopshte.” (Rrahman, 46)

6. Siguri në ditën e Kijametit.

Ka ardhur në hadithin kudsij:

“Pasha Madhërinë Time nuk do t’ia bashkoj robit tim dy frika dhe dy siguri, nëse më frikohet në dynja e siguroj në Ditën e gjykimit, e nëse nuk frikohet në dynja e frikoj në Ahiret.” (Transmeton iben Hibani, dhe Shejh Albani thotë se hadithi është “ hasen-sahih”)

7. Frenon epshet.

Allahu ka thënë: “I frikësohen Zotit të vet, i cili sundon me ata, dhe veprojnë ashtu si u urdhërohet” (Nahl, 50)

8. Sjell kënaqësinë e Allahut: “Allahu do të jetë i kënaqur me ata, por edhe ata do të jenë të kënaqur me Të. Ajo është për atë i cili ka pasur drojë nga Zoti i vet.”(Bejjineh, 8)

9. Metodologjia e ibadetit mes frikës dhe shpresës.

Dije vëlla se ibadeti i vërtetë doemos duhet të ketë në vete frikën dhe shpresën, ashtu sikurse nuk është i drejt ibadeti vetëm me shpresën, kështu nuk është i drejt vetëm me frikën.
Muhammedi, alejhi selam, hyni tek një i ri i cili ishte afër vdekjes dhe i tha: “Si po e gjen veten?” U përgjigj: Shpresoj në Allahun dhe frikohem për mëkatet e mia; Muhamedi, alejhi selam, tha: “Nuk bashkohen në zemrën e robit sikurse në këtë rast përveçse Allahu do të ia dhurojë atë që shpreson dhe do ta siguroj nga ajo që frikohet”. (Transmeton Tirmidhiu dhe iben Maxheh , ndërsa Shejh Albani Allahu e mëshiroftë thotë se hadithi është “ hasen”)

Përktheu: Valdet Kamberi

Si ta kuptoj që gruaja ime më do?

Ebu Seleme — Thu, 23 Feb 2012 03:01:11 +0000

Një bashkëshort e pyeti një dijetar duke i thënë: Si mund ta kuptoj se bashkëshortja ime më do?

Ai u përgjigj: Nëse ajo i bën këto 14 punë, bindu se ajo të do:

1. Nëse i do të dashurit e tu dhe personalitetin tënd.

2. Nëse nuk hidhërohet kur e kundërshton mendimin e saj.

3. Nëse solidarizohet me ty kur je në brenga dhe pikëllime.

4. Nëse përpiqet gjithmonë të hap tema për bisedë me ty.

5. Nëse konsultohet para se të veprojë apo ndërmarrë diçka.

6. Nëse gëzohet me dhuratën tënde sado e thjeshtë që është ajo.

7. Nëse mundohet të të ndihmojë vullnetarisht në punët tua.

8. Nëse e brengos mosprania jote.

9. Nëse kujdeset për punët që i do ti dhe i shmanget atyre që i urren.

10. Nëse brengoset së bashku me ty për të ardhurat e dobëta.

11. Nëse bart barrët për hatrin tënd.

12. Nëse përpiqet të bashkëngjitet dhe të përkrahë në ide, hobi, etj.

13. Nëse nuk turpërohet nga puna jote, cila do qoftë ajo.

14. Nëse çdo herë të jep lajme të gëzueshme për veten e saj.

Përktheu: Valdet Kamberi

E thërrasin për kafe, ia ngulin thikën

Daweti — Thu, 23 Feb 2012 03:01:06 +0000

Një 27- vjeçar, që u ka besuar së tepërmi personave me të cilët më herët kishte probleme, ishte ftuar nga ta për kafe në një restorant, por ai u prit me therje thike, për çka është nevojitur ndihma e mjekut.

J.Q., i lindur në vitin 1985, kishte pasur një mosmarrëveshje me shokët e tij në restorantin „House Bar“ dhe një i afërm i të dyshuarit, A.Xh., e kishte ftuar atë

për një kafe në lokal. Megjithatë, sapo u fut brenda, i dyshimti R.M. e ka sulmuar me thikë, duke i shkaktuar lëndime të rënda trupore.

Viktima ia doli të ikë dhe mori një taksi për ta çuar në spital e i dyshuari i ka shkuar prapa dhe ka tentuar ta nxjerrë viktimën nga vetura, por nuk ia doli dhe me këtë rast dëmtoi dorezën e derës së veturës të llojit „Mercedes“.

Policia që nisi hetimet mori në pyetje dëshmitarët, por nuk ia doli ta kapë të dyshimtin, i cili është në arrati./zeri/

Rrihen babë e bijë

Daweti — Thu, 23 Feb 2012 03:01:05 +0000

I. Sh. dhe e bija e tij, M. Sh., nga Smira e Vitisë, do të dalin para Gjykatës Komunale në Viti, për shkak se në shtator 2010, ishin kacafytur fizikisht në shtëpinë e tyre, duke i shkaktuar njëri-tjetrit lëndime të lehta trupore.

Ngjarja kishte ndodhur më 11 shtator 2010 , rreth orës 19, në shtëpinë e tyre në fshatin Smirë të Vitisë. Pas një mosmarrëveshjeje që kishin ndërmjet vete, babë e bijë sulmojnë njëri-tjetrin. Ata qëllojnë me gjësende të ndryshme që ndodheshin në dhome, me ç’rast i kishin shkaktuar njëri-tjetrit lëndime të lehta trupore. Që të dy kishin kërkuar ndihmë mjekësore në Qendrën e Mjekësisë Familjare në Viti .

I. Sh. dhe M. Sh., si të paditur dhe të dëmtuar, duhej të paraqiteshin të martën në Gjykatën Komunale në Viti. Por gjykimi nuk u mbajt, sepse M. Sh., edhe pse ishte ftuar në mënyrë të rregullt, nuk ka ardhur dhe nuk e ka arsyetuar mungesën.

“Ka lujt pak bija ime”, ka thënë I.Sh. “Është nda prej burrit e fëmijëve, e mua po më bën probleme. Unë as që e kam prek, por ajo vetë i ka grrithë duart e veta, e kur ka ardhë policia, ka thënë se baba më ka lëndu”, është shprehur ai.

Gjykimi u shty për 13 mars 2012. Gjykata lëshoi urdhëresë për sjelljen me forcë të të akuzuarës./gazetajnk/

Protestojnë kundër dëbimit nga shkolla të shoqeve të mbuluara

Daweti — Thu, 23 Feb 2012 03:01:03 +0000

Rreth 60 nxënës të gjimnazit “Frang Bardhi” në Mitrovicë, kanë bojkotuar të mërkurën mësimin në shenjë proteste kundër largimit nga shkolla të shoqeve të tyre që mbajnë shami në kokë.

“Ligji për shaminë, për shkollat fillore dhe të mesme është aprovuar në Parlamentin e Kosovës dhe ai duhet të zbatohet”, ka thënë drejtori i gjimnazit “Frang Bardhi” Ahmet Fazliu.

Ai tha se shkolla që ai drejton ka gjithsej 7 nxënëse me shami, dhe se të martën i ka ftuar ato në zyrë dhe u ka kumtuar vendimin e Drejtorisë së Arsimit, sipas të cilit ato nuk do të kenë mundësinë të vazhdojnë procesin mësimor në të ardhmen, nëse vazhdojnë të vijnë me shami në kokë.

“Secilës nga nxënëseve ua kam dhënë vendimin e Drejtorisë së Arsimit, në mënyrë që sa më hollësisht të njoftojnë prindërit e tyre, ndërsa u kam premtuar se një javë para përfundimit të procesit mësimor do t’i ftojmë ato që t’i nënshtrohen provimeve të lëndëve, për të marrë klasën dhe për t’mos humbur vitin”, ka thënë Fazliu.

Sipas tij, ai me keqardhje është dashur ta zbatojë këtë vendim, por ky është ligji dhe ai është i obliguar ta zbatojë.

Ai kërkoi nga nxënëset t’i kthehen mësimit, sepse nëse për tre ditë mungojnë pa arsye, atëherë në bazë të ligjit nuk janë nxënës të rregullt të kësaj shkolle dhe mund ta humbin vitin.

“Kam kërkuar nga nxënëset që të enjten të vijnë me prindërit e tyre në shkollë dhe të sqarojmë problemin”, ka thënë mes tjerash Fazliu.

Në anën tjetër, Behar Salihu, nxënës i klasës 12/17 të kësaj shkolle, tha se janë 7 klasë që kanë dalë për të protestuar kundër ndalimit të ardhjes në shkollë të shoqeve, të cilat janë të mbuluara.

Nxënëset me shami, Fatime Veliu 12/17 dhe Raza Zena 12/12, të dyja nxënëse të shkëlqyeshme, thanë se mbajtja e shamisë është e drejtë e tyre personale.

“Shamitë tona nuk duhet ta pengojnë askë. Ne deri tani nuk kemi shkaktuar asnjë problem, por nuk kuptojmë pse të përjashtohemi tani kur kanë mbetur edhe pak muaj deri në përfundim të vitit”, thanë ato.

Edhe udhëheqësi i Lëvizjes “Koha”, Ferdi Kadriu, po ashtu nxënës i gjimnazit, theksoi se do të protestojnë në oborrin e shkollës deri sa t’i lejojnë nxënëset me shami që ta vijojnë mësimin./Kosovapress/

Atmosferë pozitive në Bruksel

Daweti — Thu, 23 Feb 2012 03:01:01 +0000

Në Bruksel po vazhdon dialogu ndërmjet Kosovës e Serbisë, i cili ka filluar në orën 10 të mëngjesit.

Palët kanë pasur një pauzë dreke dhe janë kthyer sërish, për të diskutuar marrëveshjen për menaxhimin e integruar të kufirit.

Sipas burimeve të BE-së, takimi po zhvillohet në atmosferë pozitive, gjë që jep shpresë se mund të rezultojë me dy marrëveshje: atë për përmbushjen e pikave të marrëveshjes për lëvizjen e lirë dhe të menaxhimit të integruar të kufijve, si dhe marrëveshja për bashkëpunimin rajonal.

Raportohet se më herët, para gazetarëve, ka folur vetëm shefi i ekipit negociator serb, Borisllav Stefanoviq, i cili në lidhje me fusnotën për Kosovën, ka thënë se ka qenë propozim i Serbisë, i përqafuar nga komuniteti ndërkombëtar.

Srtefanoviq ka thënë se zgjidhja për pjesëmarrjen e Kosovës në nismat rajonale do të jetë duke marrë parasysh Kushtetutën e Serbisë, Rezolutën 12 44 dhe Deklaratën e Gjykatës Ndërkombëtare të Drejtësisë, por ka hedhur poshtë mundësinë, që të përmendet edhe Deklarata e Pavarësisë së Kosovës.

Sipas Bashkimit Evropian, një arritje e marrëveshjes do të ishte në të mirë të të dyja palëve, sepse Serbisë i ndihmon për statusin, ndërsa Kosovës për nismat rajonale.

Nuk dihet nëse ky raund bisedimesh do të përmbyllet sonte, apo do të vazhdojë edhe nesër. Në Bruksel po vazhdon dialogu ndërmjet Kosovës e Serbisë, i cili ka filluar në orën 10 të mëngjesit.

Palët kanë pasur një pauzë dreke dhe janë kthyer sërish, për të diskutuar marrëveshjen për menaxhimin e integruar të kufirit.

Sipas Bashkimit Evropian, një arritje e marrëveshjes do të ishte në të mirë të të dyja palëve, sepse Serbisë i ndihmon për statusin, ndërsa Kosovës për nismat rajonale.

Nuk dihet nëse ky raund bisedimesh do të përmbyllet sonte, apo do të vazhdojë edhe nesër./rel/

Maqedonia ia dorëzon Serbisë piromanin e xhamisë së Beogradit

Daweti — Thu, 23 Feb 2012 03:01:00 +0000

Në Shkup dje pasdite u arrestua Millosh Radosavleviq, i njohur si Kimi, serbi që dogji xhaminë qendrore të Beogradit.

Kimi është udhëheqës i grupit të tifozëve “Grobari” të klubit të futbollit Partizan i Beogradit. Ai së fundi po strehohej në Maqedoni, pasi që kërkohej për kryerjen e disa veprave penale, dhe se ndaj tij ishte shpallur fletëarrest ndërkombëtar.

Kimi ishte autori kryesor për djegien e Bajrakli xhamisë në Beograd në vitin 2004.

Pas arrestimit ai dje i është dorëzuar autoriteteve serbe në vendkalimin kufitar Tabanoc. /INA/

Motra sulmon me thikë vëllanë e saj

Daweti — Thu, 23 Feb 2012 03:00:57 +0000

Një 17 vjeçare nga rrethina e Tetovës e ka lënduar me thikë vëllanë e saj 22 vjeçar. Ngjarja ka ndodhur të hënën pasdite në fshatin Tearcë, kurse i lënduari menjëherë është dërguar për kurim në Spitalin Klinik të Tetovës dhe ndodhet jashtë rrezikut për jetë. “17 vjeçarja me thikë i ka shkaktuar dy plagë në pjesën e majtë të shpinës dhe në pjesën e pasme të kurrizit vëllait të saj 22 vjeçar H.R. Lëndimit i ka paraprirë një zënkë dhe rrahje, që ka ndodhur në shtëpinë e tyre në Tearcë, në të cilën ka marrë pjesë edhe nëna V.R 47 vjeçare”, thuhet në njoftimin e Sektorit për Punë të Brendshme të Tetovës. Policia ka kryer hetimet në vendin e ngjarjes dhe ka marrë për analizë të mëtejshme thikën dhe gjurmë të tjera. Jozyrtarisht merret vesh se shkas për zënkën kanë qenë mosmarrëveshjet e brendshme familjare./koha.mk/

Kështu e falnin namazin e sabahut kinezët

Daweti — Wed, 22 Feb 2012 08:21:00 +0000

Njëri nga thirrësit islam është ulur para një dijetari dhe po i rrëfente përvojën e tij në davet-thirrje, dhe rreth vetes kishte ushtarë Kinez të cilët kishin marrë pjesë në luftën e tretë të Khalixhit-Gjirite.

Dijetari e kishte ulur kokën dhe po e dëgjonte me vëmendje thirrësin islam duke i treguar historinë e tyre.

I tha: “Këta kanë ardhur t’i bashkëngjiten operacioneve mbështetëse në veri të Arabisë Saudite. Ndërsa, ne thirrësit ishim të obliguar t’i ftonim në rrugën e Allahut, t’i nxjerrim nga padrejtësitë dhe errësirat e shirkut-politeizmit, t’i nxjerrim nga adhurimi i Budës, Konfushiose dhe putave të tjerë në adhurimin drejt Allahut që është i Pashoq.

O Dijetarë: Allahu na ka dhënë suksese në davetin tonë, kështu që një numër i konsiderueshëm i tyre pranuan Islamin, dhe filluam t’ua mësojmë kushtet e fesë, farzet dhe vaxhibet.

Ata njëmend filluan ta falin namazin në kohën e vet, larg syve të gjeneralëve dhe përgjegjësve të tyre, mirëpo problemi nuk qëndronte as në namazin e drekës, ikindisë, akshamit, e as të jacisë; por, ata gjetën vështirësi në namazin e sabahut!!!

Kur përgjegjësit kuptuan se ata ishin mbledhur në një kazermë, ashtu që të kujdestarojnë me rend për t’i zgjuar shokët për namazin e sabahut, ata i shpërndanë nëpër kazerma të ndryshme. Pas kësaj çdo njëri prej tyre morri nga një orë, nuk shkoi gjatë dhe ata ua ndaluan edhe orët.

Saherë që këta gjenin një metodë për t’u zgjuar në namazin e sabahut, ata i luftonin dhe ua mbyllnin të gjitha rrugët.

Çuditërisht ata shpikën një metodë të re për t’u zgjuar në namazin e sabahut!

Dijetari filloi të shikojë drejt thirrësit me një vëmendje më të theksuar, e po ashtu edhe ndaj ushtarëve që ishin rreth tij; ndërsa ata po shikonin drejt Dijetarit me respekt dhe mallëngjime.

Thirrësi vazhdoi fjalimin e tij: “O dijetarë, çdo njëri prej tyre ka vendosur të pijë një sasi të madhe uji para gjumit, me qëllim që të zgjohen natën më shpesh për në tualet. Kështu ata shikonin orën dhe e dinin se sa kohë ka mbetur për namazin e sabahut; nëse koha ishte afër pritnin dhe faleshin, në të kundërtën pinin edhe ca gota!

Pasi provuan këtë metodë dhjetëra herë. Arritën të dinë sasinë e duhur të pirjes së ujit para gjumit që i bën ata të zgjohen në kohën e saktë të sabahut; kështu iu bë e mundur çdo njërit prej tyre ta falin sabahun në kohën e vet!”

Pasi thirrësi-islam përfundoi, shikoi drejt fytyrës së Shejhut dhe pa se ai po qante!

Ata janë të rinj’ në Islam; dashuria e madhe në zemrat e tyre për Islamin është në një shkallë të lartë… athua pse ata e njohën injorancën dhe të këqijat e saj, dhe kanë njohur Islamin dhe lumturinë e tij dhe e përqafuan.

Ku jemi ne, në krahasim me ata?!

Për fat të keq, ka nga ne që nuk e fal namazin e sabahut asnjëherë, edhe pse e dëgjon ezanin nga xhamia që ka afër shtëpisë së tij, dhe nuk i përgjigjet pa asnjë arsye. E disa prej robërve të Allahut humbin namazin e natës edhe pse ata faleshin ditën, duke menduar se i kanë dhuruar vetes së tyre rehati dhe gjumë, duke menduar se ai ka fituar!!! Ka edhe të atillë që nuk e falin namazin kurrë, as ditën as natën.

Allahu ka thënë: “Që të mos thotë shpirti: “I mjeri unë, sa obligime më kanë mbetur vetëm ndaj Allahut, madje edhe jam tallur.” (Zumer, 56)

Përktheu: Valdet Kamberi

Kështu e falin namazin e sabahut Kinezët

Ebu Seleme — Wed, 22 Feb 2012 03:02:03 +0000

Njëri nga thirrësit islam është ulur para një dijetari dhe po i rrëfente përvojen e tij në davet-thirrje, dhe rreth vetes kishte ushtarë Kinez të cilët kishin marrë pjesë në luftën e tretë të Khalixhit-Gjirite.
Dijetari e kishte ulur kokën drejt tokës dhe po e dëgjonte me vëmendje thirrësin islam duke i treguar historinë e tyre.
I tha: “Këta kanë ardhur t’i bashkangjiten operacioneve mbështetëse në veri të Arabisë Saudite. Ndërsa, ne thirrësit ishim të obliguar t’i ftonim në rrugën e Allahut, t’i nxjerrim nga padrejtësitë dhe errësirat e shirkut-politeizmit, t’i nxjerrim nga adhurimi i Budës, Konfushiose dhe putave të tjerë në adhurimin drejt Allahut që është i Pashoq.
O Dijetarë: Allahu na ka dhënë suksese në davetin tonë, kështu që një numër i konsiderueshëm i tyre pranuan Islamin, dhe filluam t’ua mësojmë kushtet e fesë, farzet dhe vaxhibet.
Ata njëmend filluan ta falin namazin në kohën e vet, larg syve të gjeneralëve dhe përgjegjësve të tyre, mirëpo problemi nuk qëndronte as në namazin e drekës, ikindisë, akshamit, e as të jacisë; por, ata gjetën vështirësi në namazin e sabahut!!!
Kur përgjegjësit kuptuan se ata ishin mbledhur në një kazermë, ashtu që të kujdestarojnë me rend për t’i zgjuar shokët për namazin e sabahut, ata i shpërndanë nëpër kazerma të ndryshme. Pas kësaj çdo njëri prej tyre morri nga një orë, nuk shkoi gjat dhe ata ua ndaluan edhe orët.
Saherë që këta gjenin një metodë për t’u zgjuar në namazin e sabahut, ata i luftonin dhe ua mbyllnin të gjitha rrugët.
Çuditërisht ata shpikën një metodë të re për t’u zgjuar në namazin e sabahut!
Dijetari filloi të shikojë drejt thirrësit me një vëmendje më të theksuar, e po ashtu edhe ndaj ushtarëve që ishin rreth tij; ndërsa ata po shikonin drejt Dijetarit me respekt dhe mallëngjime.
Thirrësi vazhdoi fjalimin e tij: “O dijetarë, çdo njëri prej tyre ka vendosur të pijë një sasi të madhe uji para gjumit, me qëllim që të zgjohen natën më shpesh për në toilet. Kështu ata shikonin orën dhe e dinin se sa kohë ka mbetur për namazin e sabahut; nëse koha ishte afër pritnin dhe faleshin, në të kundërtën pinin edhe ca gota!
Pasi provuan këtë metodë dhjetra herë. Arritën të dijnë sasinë e duhur të pirjes së ujit para gjumit që i bën ata të zgjohen në kohën e saktë të sabahut; kështu iu bë e mundur çdo njërit prej tyre ta falin sabahun në kohën e vet!”
Pasi thirrësi-islam përfundoi, shikoi drejt fytyrës së Shejhut kur që shejhu po qante!
Ata janë të rinj’ në Islam; dashuria e madhe në zemrat e tyre për Islamin është në një shkallë të lartë… athua pse ata e njohën injorancën dhe të këqijat e saj, dhe kanë njohur Islamin dhe lumturinë e tij dhe e përqafuan.
Ku jemi ne, në krahasim me ata?!
Për fat të keq, ka nga ne që nuk e fal namazin e sabahut asnjëherë, edhe pse e dëgjon ezanin nga xhamia që ka afër shtëpisë së tij, dhe nuk i përgjigjet pa asnjë arsye.
E disa prej robërve të Allahut humbin namazin e natës edhe pse ata faleshin ditën, duke menduar se i kanë dhuruar vetes së tyre rehati dhe gjum, duke menduar se ai ka fituar!!!
Ka edhe të atillë që nuk e falin namazin kurrë, as ditën as natën.
Allahu ka thënë: “Që të mos thotë shpirti: “I mjeri unë, sa obligime më kanë mbetur vetëm ndaj Allahut, madje edhe jam tallur.” (Zumer, 56)
Përktheu: Valdet Kamberi